Сауда желісін немесе ірі сауда объектілерін ұйымдастыру арқылы тауарлар сату жөніндегі қызметті жүзеге асыратын ішкі сауда субъектілерінің тауарлар беру туралы шарт жасасудан негізсіз бас тартуынан не көрінеу кемсітушілік сипаттағы және:
- 1) ішкі сауда субъектісіне осыған ұқсас қызметті жүзеге асыратын басқа да ішкі сауда субъектілерімен, сондай-ақ осыған ұқсас немесе өзге де талаптар бойынша басқа да ішкі сауда субъектілерімен тауарлар беру шарттарын жасасуға тыйым салу туралы;
- 2) тауарлар беруді жүзеге асыратын ішкі сауда субъектісінің осыған ұқсас қызметті жүзеге асыратын басқа да ішкі сауда субъектілерімен жасалатын шарттары туралы мәліметтер беруін талап ету туралы талаптар қамтылатын шарт жасасудан көрінетін, тауарларды сауда желілеріне немесе ірі сауда объектілеріне әкелуді шектеуі –
бір жүз айлық есептік көрсеткіш мөлшерінде айыппұл салуға әкеп соғады.