Бап 883 ҚР Әкімшілік құқық бұзушылық туралы кодексінің. Әкiмшiлiк құқық бұзушылық туралы iс бойынша қаулының, ескерту немесе айыппұл төлеу қажеттігі туралы нұсқаманың заңды күшiне енуi
Әкiмшiлiк құқық бұзушылық туралы iс бойынша қаулы, ескерту немесе айыппұл төлеу қажеттігі туралы нұсқама:
1) егер әкiмшiлiк құқық бұзушылық туралы iс бойынша қаулыға, ескерту немесе айыппұл төлеу қажеттігі туралы нұсқамаға шағым берiлмесе немесе наразылық білдірілмесе, оларға шағым беру үшiн белгiленген мерзiм өткеннен кейiн;
2) шағым, наразылық бойынша қаулы, сондай-ақ осы Кодекстің 839-бабында көзделген жағдайда қаулы шығарылғаннан кейiн дереу;
3) осы Кодекстің 811-бабы екінші бөлігінің бірінші абзацында көзделген жағдайда дереу;
3-1) осы Кодекстің 744 және 745-баптарында көзделген, өзiне қатысты iс бойынша іс жүргiзiлiп жатқан тұлғаның және жәбірленушінің жазбаша өтінішхаты бойынша дереу;
4) шетелдікті немесе азаматтығы жоқ адамды Қазақстан Республикасының шегінен шығарып жіберу туралы қаулы жария етілгеннен кейін заңды күшiне енедi.