Бап 110 ҚР Әлеуметтік кодексінің. Кәсіпкерлік бастамаға жәрдемдесу

Тармақ 1. Уәкілетті мемлекеттік орган айқындаған жеке тұлғалардың жекелеген санаттарының кәсіпкерлік бастамаға жәрдемдесу жөніндегі көрсетілетін қызметтерді алуға құқығы бар.

Тармақ 2. Кәсіпкерлік бастамаға жәрдемдесу:

• 1) кәсіпкерлік негіздеріне оқыту;
• 2) жаңа бизнес идеяларды іске асыруға өтеусіз гранттар беру;
• 3) қайтарымды негізде микрокредит беру арқылы көрсетіледі.

Тармақ 3. Кәсіпкерлік бастамаға жәрдемдесу жөніндегі шараларды ұйымдастыру мен қаржыландыру тәртібін уәкілетті мемлекеттік орган айқындайды.