Бап 250 ҚР Жер қойнауы туралы кодексінің. Жер қойнауы кеңістігін пайдалануға арналған аумақтар

Тармақ 1. Жер қойнауы кеңістігін пайдалануға арналған лицензия кең таралған пайдалы қазбалар болып табылмайтын пайдалы қазбалардың кен орны жоқ немесе пайдалы қазбалардың аз мөлшердегі ресурстары бар жер қойнауы учаскесін пайдалануға беріледі.

Тармақ 2. Жер қойнауы кеңістігін пайдалануға арналған лицензияны:

• 1) осы Кодекстің 25-бабының 2-тармағында көзделген жағдайларда;
• 2) пайдалы қазбаларды барлау немесе өндіру жөніндегі операцияларды немесе жер қойнауы кеңістігін пайдалану жөніндегі операцияларды жүргізу үшін басқа тұлғаның пайдалануындағы жер қойнауы учаскесінің аумағына;
• 3) пайдалы қазбаларды барлау немесе өндіру салдарын жою жүргізіліп жатқан жер қойнауы учаскесінің аумағына;
• 4) кең таралған пайдалы қазбаларды қоспағанда, табылған пайдалы қазбалар ресурстары немесе осындай перспективалары бар жер қойнауы учаскелеріне;
• 5) жерасты шаруашылық-ауыз су учаскелері аумағына беруге тыйым салынады.