Бап 36 Об уточненном республиканском бюджете на 1994 год. Республикалық бюджетте: - Қазақстан Республикасының 1992 жылғы Мемлекеттiк iшкi ұтыс заемы бойынша ұтыстарды төлеу және ол бойынша ұтыс тираждарын өткiзу жөнiнде 40 000 мың теңге; - Қазақстан Республикасының заңды тұлғалар арасында орналастырылатын 1992 жылғы Мемлекеттiк заемын өтеу және ол бойынша проценттер төлеу жөнiнде және кәсiпорындарға, бiрлестiктер мен ұйымдарға ол бойынша кiрiстер төлеуге 3 646 мың теңге мөлшерiнде шығыстар белгiленсiн. 37-бап. 1990 жылғы КСРО Мемлекеттiк нысаналы процентсiз заемының облигацияларын сатып алу үшiн Үкiметтiң Қазақстан Республикасы Халық банкi алдындағы 1993 жылғы берешегiн өтеуге 9 796 мың теңге мөлшерiнде қаражат көзделсiн. 38-бап. КСР Одағы тарағанға дейiн КСРО Мемлекеттiк банкiне берiлген 1991 жылғы 1 қаңтардағы жағдай бойынша Қазақстан Республикасы Халық банкi ресурстарын және жалпы мөлшерi 42 536 мың теңге 40 проценттiк өтемақы қаражатын өтеуге жұмсалатын шығындар бекiтiлсiн. Қазақстан Республикасы Халық банкiнiң ақша қаражатын өткiзуден алған табыстарының 50 процентi /банк шығыстарын шегерiп тастағанда/ салымдар бойынша проценттер төлеуге жұмсалады деп белгiленсiн. Қазақстан Республикасы Халық банкi мекемелерiндегi халықтың салымдары бойынша құнсызданудан болған шығындарын бiр жолғы өтеу 1992 жылғы 1 тамыздағы жағдай бойынша олардың қалдықтарын салымның алғашқы 1000 сомын 50 еселенген мөлшерде көбейту арқылы жүргiзiлетiнi ескерiлiп, бұл мақсатқа 850 000 мың теңге мөлшерiнде шығыс бекiтiлсін. 39-бап. Үкiметтiң мына бағыттардағы сыртқы экономикалық қызметiне байланысты: - сыртқы борышқа қызмет көрсету жөнiндегi шығыстар; - халықаралық ұйымдарға жарналар; - iшкi рынокта өткiзу үшiн импорт бойынша ең қажеттi тауарлар сатып алу; - шет елдердегi дипломатиялық және сауда өкiлдiктерiн ұстау; - елшiлiктер мен резиденцияларға үй-жайлар алу; - шетелдiк iссапарлар; - кадрлар даярлау; - республиканың басқа да кезек күттiрмес қажеттерi үшiн шығыстарын қаржыландыруға арнап шет ел валютасын сатып алуға республикалық бюджетте 10 973 887 мың теңге қаржы көзделсiн. Бұдан басқа сыртқы қаржыландыру есебiнен сыртқы заемды өтеуге 3 538 000 мың теңге шығыс көзделсiн. Республикалық бюджет арқылы жергiлiктi мемлекеттiк өкiмет пен басқару органдарының кепiлi мiндеттемелерiн ресiмделген, сыртқы заемдарды өтеуге байланысты шығындар олар бойынша қызмет көрсету проценттерiн ескере отырып жергiліктi бюджеттердiң шығыс құрамына енгiзiлсiн. 40-бап. 1994 жылғы 1 қаңтардан бастап Қазақстан Республикасының орталықтандырылған қаражаты мен шетелдiк кредиттер есебiнен Денсаулық сақтау министрлiгiнiң кәсiпорындары мен ұйымдары импорт бойынша сатып алатын дәрi-дәрмектердi сату еркiн нарықтық бағамен жүзеге асырылады деп белгiленсiн. 41-бап. Республикалық бюджетте 528 200 мың теңге, оның iшiнде төтенше жағдайларды қаржыландыру үшiн 303 000 мың теңге мөлшерiнде Қазақстан Республикасы Министрлер Кабинетiнiң резерв қоры бекiтiлсiн. 42-бап. 1994 жылы мына облыстар мен Ленинск қаласының бюджеттерiне 5 920 636 мың теңге мөлшерiнде субвенция бөлiнсiн, оның iшiнде: /мың теңге/ - Алматы 471 823 - Атырау 75 078 - Жамбыл 491 841 - Жезқазған 246 219 - Батыс Қазақстан 163 676 - Қызылорда 1 151 485 - Көкшетау 236 339 - Семей 561 507 - Талдықорған 471 083 - Торғай 189 511 - Оңтүстiк Қазақстан 1 539 777 - Ленинск қаласы 322 297