Бап 17 О республиканском бюджете на 2006 год. 2006 жылға арналған республикалық бюджетте облыстық бюджеттерге, Астана және Алматы қалаларының бюджеттерiне ауыл шаруашылығын дамытуға бағытталған субсидияларға 13 649 476 мың теңге сомасында ағымдағы нысаналы трансферттер, оның iшiнде: тұқым шаруашылығын дамытуды қолдауға - 1 260 034 мың теңге; асыл тұқымды мал шаруашылығын дамытуға - 1 891 109 мың теңге; өндiрiлетiн ауыл шаруашылығы дақылдарының шығымдылығы мен сапасын арттыруды қолдауға - 1 815 000 мың теңге; көктемгi егіс және жиын-терін жұмыстарын жүргiзу үшiн қажеттi тауар-материалдық құндылықтарды субсидиялауға - 7 000 000 мың теңге; ауыл шаруашылығы тауарларын өндiрушiлерге су жеткiзу жөнiндегі қызметтердің құнын субсидиялауға - 683 333 мың теңге; мал шаруашылығы өнiмдерiнің өнiмдiлiгi мен сапасын арттыруды субсидиялауға - 1 000 000 мың теңге көзделгенi ескерiлсiн. Көрсетілген сомаларды облыстық бюджеттерге, Астана және Алматы қалаларының бюджеттерiне бөлу және оларды пайдалану тәртiбi Қазақстан Республикасы Үкiметiнiң шешiмi негiзiнде айқындалады