Бап 21 О республиканском бюджете на 2006 год. 2006 жылға арналған республикалық бюджетте облыстық бюджеттерге, Астана және Алматы қалаларының бюджеттерiне Қазақстан Республикасының денсаулық сақтау iсiн реформалау мен дамытудың 2005-2010 жылдарға арналған мемлекеттік бағдарламасын iске асыруға 24 896 568 мың теңге, оның iшiнде: мемлекеттiк тапсырыс шеңберінде кәсiптiк орта бiлiм беру бойынша оқыту құнын ұлғайту жөнiндегi шығыстарды өтеуге - 77 178 мың теңге; медицина кадрларының, сондай-ақ денсаулық сақтау саласындағы менеджерлердің бiлiктiлiгiн арттыруға және оларды қайта даярлауға - 190 763 мың теңге; созылмалы ауруларды амбулаториялық емдеу кезiнде диспансерлік есепте тұрған балалар мен жасөспiрiмдердi дәрілік заттармен қамтамасыз етуге - 1 076 249 мың теңге; амбулаториялық емдеу деңгейiнде азаматтардың жекелеген санаттарын жеңiлдiктi жағдайларда дәрілiк заттармен қамтамасыз етуге - 1 849 975 мың теңге; облыстық санитарлық-эпидемиологиялық сараптама орталықтарының материалдық-техникалық базасын нығайтуға - 1 703 500 мың теңге; бастапқы медициналық-санитарлық көмектің медициналық ұйымдарын штаттық нормативтерге сәйкес медицина кадрларымен жасақтауға және жалпы практикалық дәрiгерлiк жүйенi дамытуға - 2 279 971 мың теңге; құрылатын ақпарат-талдау орталықтарының қызметiн қамтамасыз етуге - 107 919 мың теңге; шолғыншы эпидемиологиялық қадағалау жүргізу үшiн тест-жүйелердi сатып алуға - 10 890 мың теңге; амбулаториялық емдеу деңгейiнде 5 жасқа дейiнгi балаларды дәрi-дәрмекпен қамтамасыз етуi - 517 576 мың теңге; жүктi әйелдердi құрамында темiр және йоды бар препараттармен қамтамасыз етуге - 925 517 мың теңге; азаматтардың жекелеген санаттарын медициналық профилактикалық тексерудi жүзеге асыруға - 4 464 056 мың теңге; онкологиялық ұйымдарды сәулелi терапияның қазiргi заманғы аппараттарымен және рентген-диагностикалық жабдықтармен жарақтандыруды қоса алғанда, жергіліктi деңгейде медициналық денсаулық сақтау ұйымдарын материалдық-техникалық жарақтандыруға - 11 692 974 мың теңге сомасында ағымдағы нысаналы трансферттер көзделгенi ескерілсін. Көрсетілген ағымдағы нысаналы трансферттердi бөлу және оларды пайдалану тәртiбiн Қазақстан Республикасының Үкiметi айқындайды