Бап 10-1 Об охранной деятельности. Мамандандырылған оқу орталықтары мен олардың филиалдарына қойылатын талаптар

Тармақ 1. Жеке күзет ұйымында басшы және күзетші лауазымдарын атқаратын жұмыскерлерді даярлау және олардың бiлiктiлiгiн арттыру уәкілетті орган айқындайтын, заңды тұлғалар болып табылатын мамандандырылған оқу орталықтарында жүргізіледі.

Тармақ 1-1. Мамандандырылған оқу орталықтары мен олардың филиалдарына қойылатын талаптар мыналардың:

• 1) сабақтар жүргізу үшін санитариялық нормаларға сәйкес келетін үй-жайлардың;
• 2) меншік құқығында не жалға алу шартымен атыс даярлығы бойынша сабақтар жүргізу үшін атыс тирінің;
• 3) оқу бағдарламалары мен оқу жоспарларында көзделген арнаулы және техникалық құралдардың;
• 4) тиісті теориялық, практикалық білімдері және өзінің кәсіптік құзыреті саласында практикалық дағдылары бар және күзет қызметі саласында кәсіптік жұмыс тәжірибесін жинақтаған, мамандарды оқыту процесіне тартылып жүрген оқытушылардың болуын көздейді.
• 5) Жекеше күзет ұйымында басшы және күзетші лауазымдарын атқаратын жұмыскерлерді даярлау және олардың біліктілігін арттыру жөніндегі үлгілік оқу бағдарламалары мен үлгілік оқу жоспарларын уәкілетті орган бекітеді.

Тармақ 2. Мыналар:

• 1) осы Заңның 10-бабының 6-тармағында көрсетілген адамдар;
• 2) шетелдік заңды тұлғалар, шетел қатысатын заңды тұлғалар, шетелдіктер, сондай-ақ азаматтығы жоқ адамдар мамандандырылған оқу орталықтары мен олардың филиалдарының құрылтайшылары (қатысушылары), басшылары бола алмайды.

Тармақ 3. Мамандандырылған оқу орталықтарының қызметі:

• 1) таратылған, қайта ұйымдастырылған жағдайларда;
• 2) сот шешімі бойынша тоқтатылады.