Бап 16 О ратификации Договора об учреждении Антикризисного фонда Евразийского экономического сообщества. Директорлар кеңесінің өкілеттіктері
Директорлар кеңесі ЕТДҚ қызметіне жалпы басшылықты қамтамасыз етеді және осы мақсаттарда оған Басқарушылар кеңесі берген, сондай-ақ осы Жарғыда көзделген өкілеттіктерді, атап айтқанда:
1) Басқарушылар кеңесінің қарауына шығарылатын материалдарды алдын ала мақұлдауды;
2) Басқарушылар кеңесі берген өкілеттіктер шеңберінде ЕТДҚ құжаттарын бекітуді және осындай құжаттарға қатысты ерекшеліктер немесе алып қою ұсынуды;
3) Басқарманың ЕТДҚ қызметі туралы тұрақты есептерін қарауды және тиісті шаралар қабылдауды;
4) Директорлар кеңесінің жанынан комитеттер құруды және аталған комитеттердің өкілеттіктерін айқындауды;
5) сыртқы аудиторды таңдауды және қаржы жылының қорытындылары бойынша аудиттелген қаржылық есептілікті мақұлдауды;
6) Басқарушылар кеңесі бекітпес бұрын ЕТДҚ стратегиясын мақұлдауды;
7) Басқарушылар кеңесі шешім қабылдағанға дейін, осы мәселені Басқарушылар кеңесінің қарауына бір мезгілде шығара отырып, ЕТДҚ-ның жаңа операцияларын уақытша тоқтата тұруды жүзеге асырады;
8) Басқарушылар кеңесі берген өзге де өкілеттіктерді жүзеге асырады.