Бап 2 О внесении изменений и дополнений в некоторые законодательные акты РК по вопросам деятельности микрофинансовых организаций. 1. Осы Заң: 2013 жылғы 1 қаңтардан бастап қолданысқа енгізілетін 1-бабы 4-тармағының 1) , 3) , 4) және 5) тармақшаларын және 16-тармағын ; 2014 жылғы 1 қаңтардан бастап қолданысқа енгізілетін 1-бабының 4-тармағы 2) тармақшасының екінші – бесінші абзацтарын; 2018 жылғы 1 қаңтардан бастап қолданысқа енгізілетін 1-бабының 4-тармағы 2) тармақшасының алтыншы – он бірінші абзацтарын; 2012 жылғы 1 қаңтардан бастап қолданысқа енгізілетін 1-бабының 14-тармағын қоспағанда, алғашқы ресми жарияланғанынан кейін күнтізбелік он күн өткен соң қолданысқа енгізіледі. 2. Осы Заңның 1-бабының 2-тармағы , 4-тармағының 4) және 5) тармақшалары , 6 , 7 , 8-тармақтары , 9-тармағының 1) тармақшасы , 11 және 13-тармақтары 2016 жылғы 1 қаңтарға дейін микрокредиттік ұйымдарға қолданылады. 3. Микрокредиттік ұйымдар 2016 жылғы 1 қаңтарға дейін салық және бюджетке төленетін басқа да міндетті төлемдердің түсімін қамтамасыз ету саласында басшылықты жүзеге асыратын мемлекеттік органмен келісім бойынша Қазақстан Республикасының Ұлттық Банкі белгілеген қағидаларға сәйкес берілген микрокредиттер бойынша активтерді сыныптауды жүзеге асырған және оларға қарсы провизияларды (резервтерді) құрған жағдайда, осы Заңның 1-бабы 4-тармағының 1) тармақшасында , 2) тармақшасының екінші - бесінші абзацтарында, 3) тармақшасында , 14 және 16-тармақтарында микроқаржы ұйымдары үшін көзделген нормаларды қолдануға құқылы. 4. Сауда-саттықты ұйымдастырушы акционерлер құрылымының осы Заңның 1-бабының 9-тармағы 3) тармақшасының үшінші абзацында белгіленген талапқа сәйкес келуін осы Заң қолданысқа енгізілген күннен бастап алты ай ішінде қамтамасыз етуге міндетті. Қазақстан Республикасының Ұлттық Банкі сауда-саттықты ұйымдастырушының капиталындағы акцияларды иелену үлесін артықшылықты тәртіппен осы Заңның 1-бабының 9-тармағы 3) тармақшасының үшінші абзацында көзделген деңгейге дейін ұлғайтады. Сауда-саттықты ұйымдастырушы осы тармақтың бірінші бөлігінде көзделген талаптарды орындамаған жағдайда, Қазақстан Республикасының Ұлттық Банкі оған Қазақстан Республикасының заңдарында көзделген ықпал ету шараларын және санкцияларды қолдануға құқылы