Бап 4 О внесении изменений и дополнений в некоторые законодательные акты РК по вопросам налогообложения. 2009 жылғы 1 қаңтардан бастап 2013 жылғы 1 қаңтарға дейінгі кезеңде «Салық және бюджетке төленетін басқа да міндетті төлемдер туралы» Қазақстан Республикасы Кодексінің (Салық кодексі) 155-бабы 3-тармағының 21) , 22) тармақшалары мынадай редакцияда қолданылады деп белгіленсін: «21) бiр жыл және одан да ұзақ уақыт Қазақстан Республикасының аумағында меншiк құқығында болатын, осы Кодекстiң 180-бабы 2-тармағының 1) тармақшасында көрсетiлген объектiлер орналасқан, жеке тұрғын үй құрылысы, саяжай құрылысы, жеке қосалқы шаруашылықты жүргiзу, бау-бақша, гараж салу үшiн берілген (сатып алынған) жер учаскелерiн және (немесе) жер үлестерiн өткiзу кезiндегi құн өсiмi; 22) егер жер учаскесiн және (немесе) жер үлесiн сатып алуға және иелiктен айыруға арналған құқық белгiлейтiн құжаттарды жасау күндерi арасындағы кезең бiр жылды немесе одан да ұзақ уақытты құраса, осы Кодекстiң 180-бабы 2-тармағының 1) тармақшасында көрсетiлген объектiлер орналаспаған, Қазақстан Республикасының аумағындағы, жеке тұрғын үй құрылысы, саяжай құрылысы, жеке қосалқы шаруашылықты жүргiзу, бау-бақша, саяжай құрылысы, гараж салу үшiн берілген (сатып алынған) жер учаскелерiн және (немесе) жер үлестерiн өткiзу кезiндегi құн өсiмi;»