Геномдық тіркеуді жүргізу үшін биологиялық материалды іріктеуді:
- 1) геномдық тіркеуге жататын сотталғандардан – ішкі істер органдары;
- 2) Қазақстан Республикасының қылмыстық-процестік заңында белгіленген тәртіппен сотқа дейінгі тергеп-тексеру барысында биологиялық материалы алынған анықталмаған адамдардан – ішкі істер органдарының уәкілетті бөлімшесінің және (немесе) сот медицина мамандарын тарта отырып және Қазақстан Республикасының Қылмыстық-процестік кодексінің талаптарын сақтай отырып, қылмыстық iстер бойынша іс жүргізуді жүзеге асыратын анықтау, тергеу органдары;
- 3) хабарсыз кеткен азаматтардың биологиялық туыстарынан – ішкі істер органдары;
- 4) танылмаған мәйіттерден – сот медицинасы саласындағы дәрігер маманды тарта отырып, ішкі істер органдары жүзеге асырады.