Бап 3 О ратификации Договора между Республикой Казахстан и Республикой Сербия о правовой помощи по уголовным делам. Құқықтық көмек туралы сұрау салулардың нысаны және мазмұны

Тармақ 1. Сұрау салу жазбаша нысанда жасалады, оған қол қойылады және ол Сұрау салушы Уағдаласушы Мемлекеттің құзыретті органының мөрімен расталады.

Тармақ 2. Сұрау салуда:

• 1) a) сұрау салуды жасаған құзыретті органның атауы;
• 2) b) сұратылатын көмектің мақсаты мен сипаттамасы;
• 3) c) қылмыстық іс-әрекеттің сипаттамасы және оның құқықтық саралануы;
• 4) d) ескіру мерзімдері туралы ережелерді қоса алғанда, ұлттық заңнаманың қолданылатын ережелерін көрсету;
• 5) е) дәлелдемелердің, ақпараттың немесе өзге де іс-шаралардың сұратылу себептері;
• 6) f) қажет болған жағдайларда келу үшін шақырылған адамның алуға құқығы бар төлемдер мен өтемақылар туралы мәліметтер; және
• 7) g) қажет болған жағдайларда сұрау салуды орындау кезінде қатысуы қажет лауазымды адамдар туралы ақпарат қамтылуға тиіс.

Тармақ 3. Мүмкіндігіне қарай сұрау салуда сондай-ақ:

• 1) a) құжат табыс етілуге тиіс адамның жеке басы және орналасқан жері туралы ақпарат, оның процестік мәртебесі және табыс ету жүргізілуге тиіс тәсіл;
• 2) b) айғақтар беруге немесе талқылауға көмек көрсетуге тиіс адамның жеке басы және орналасқан жері туралы ақпарат;
• 3) c) орналасқан жері анықталуға тиіс адамның жеке басы, зат немесе құжат туралы ақпарат;
• 4) d) тінтілуге тиіс орынның немесе адамның және алып қоюға немесе тәркіленуге тиіс заттардың барынша дәл сипаттамасы;
• 5) е) кез келген айғақтар немесе арыздар қабылдануға және тіркелуге тиіс тәсілдің сипаттамасы;
• 6) f) тыңдалатын адамға қойылуы қажет сұрақтардың тізбесі;
• 7) g) сұрау салу орындалған кезде сақталуға тиіс нақты рәсімнің сипаттамасы;
• 8) һ) құпиялылықты қамтамасыз ету жөніндегі талаптар;
• 9) і) сұрау салуды орындауға ықпал ету үшін Сұрау салынатын Уағдаласушы Мемлекетке берілуі мүмкін кез келген басқа да ақпарат қамтылуға тиіс.

Тармақ 4. Құқықтық көмек туралы сұрау салу коммуникациялардың техникалық құралдары пайдаланыла отырып берілуі мүмкін. Сұрау салудың түпнұсқасы бір мезгілде поштамен жіберілуге тиіс.