Бап 21 Об уточненном республиканском бюджете на 1994 год. Республикалық бюджетте 1994 жылғы астық өнiмiнiң фьючерлiк мәмiлесiне 8 000 000 мың теңге мөлшерiнде қаржы көзделсiн. 22-бап. Әлеуметтiк-мәдени шараларды қаржыландыруға 7 144 923 мың теңге мөлшерiнде қаржы бекiтiлiп, одан мынадай сома бағытталсын: /мың теңге/ а/ бiлiм беруге және кадрларды кәсiптiк даярлауға 2 891 217 б/ мәдениет пен өнерге 466 237 в/ бұқаралық ақпарат құралдарына 893 153 г/ денсаулық сақтауға 2 401 456 д/ әлеуметтiк қамсыздандыруға 255 835 е/ жастар саясатына, туризмге, дене тәрбиесi мен спортқа 237 025 23-бап. 1994 жылғы 1 қаңтардан бастап өндiрiстен қол үзiп оқитын аспиранттар стипендиясының мөлшерi ғылыми атағы жоқ кiшi ғылыми қызметкер жалақысының ставкасы деңгейiнде, жоғары оқу орындарының студенттерiне - ең төменгi айлық жалақы мөлшерiнiң 80 процентi, ал арнаулы орта оқу орындары мен оқу мерзiмi 10 айға дейiнгi кәсiптiк-техникалық училищелердiң оқушыларына - 70 процентi белгiленсiн. 1994 жылғы 1 қыркүйектен бастап өндiрiстен қол үзiп оқитын аспиранттар стипендиясының мөлшерi ғылыми атағы жоқ кiшi ғылыми қызметкер жалақысының ставкасы деңгейiнде, жоғары оқу орындарының студенттерiне - ең төменгi айлық жалақы мөлшерiнiң үш еселенген шамасының 100 процентi, ал арнаулы орта оқу орындары мен оқу мерзiмi 10 айға дейiнгi кәсiптiк-техникалық училищелердiң оқушыларына - 80 процентi белгiленсiн. Жоғары оқу орындарының студенттерi мен арнаулы орта оқу орындарының оқушыларына мемлекеттiк стипендиялар олардың оқу үлгерiмдерi, отбасылық және материалдық жағдайлары ескерiле отырып тағайындалсын. 24-бап. 1993/1994 оқу жылына жалпы бiлiм беретiн мектептердiң 1-4 класс оқушыларына бiр оқушының тамақтануына жұмсалатын шығындардың iшiнара өтемақысы бiр күнге ең төменгi айлық жалақы мөлшерiнiң 5 процентi есебiнен белгiленсiн. 25-бап. 1994/1995 оқу жылынан бастап жалпы бiлiм беретiн мектептерде мектеп оқулықтарын табысы аз және көп балалы отбасыларындағы оқушыларға ғана тегiн беру белгiленсiн. 26-бап. 1994 жылы республиканың күндiз оқытатын жоғары және арнаулы орта оқу орындарының басқа жерден келген студенттерi мен оқушылары, жоғары оқу орындарының дайындық бөлiмдерiнiң тыңдаушылары үшiн каникул кезiнде мемлекеттiк темiр жол көлiгiнде /жылына 2 рет барып-келуге/ жеңiлдiкпен жүру тиiстi оқу орындарының қаражаты есебiнен 50 процент мөлшерiнде сақталсын. 27-бап. Қазақстан Республикасының "Бiлiм туралы" 1992 жылғы 18 қаңтардағы Заңына /Қазақстан Республикасы Жоғарғы Кеңесiнiң Жаршысы, 1992 ж., N 6, 110-құжат/ мынадай өзгерiс енгiзiлсiн: 28-баптың бiрiншi бөлiгiнiң 8-абзацынан "және жұмысшы поселкелерiнiң" деген сөздер алынып тасталсын. 28-бап. Қосымшалар мен үстемелердi, сыйлықтар мен басқа да көтермелеу төлем ақыларын есептемегенде, 1994 жылғы 1 ақпаннан бастап жалақының ең төменгi мөлшерi айына 40 теңге, 1 сәуiрден - 100 теңге, 1 шiлдеден - 150 теңге және 1 қазаннан - 200 теңге болып белгiленсiн. Жасына байланысты ең төменгi зейнетақы мөлшерi ең төменгi жалақы мөлшерi деңгейiнде белгiленсiн. 29-бап. Тамақ өнiмдерiнiң қымбаттауына байланысты 1994 жылғы 1 ақпаннан бастап табысы аз жұмыс iстемейтiн зейнеткерлерге заңды түрде белгiленген айлық ең төменгi еңбекақы мөлшерiнiң проценттiк көлемiнде ай сайын: - жасына, мүгедектiгiне байланысты, еңбек еткен жылдары үшiн толық еңбек зейнетақысын алушыларға, сондай-ақ мүгедектiгiне байланысты зейнетақы алатын мерзiмдi қызмет атқарған әскери қызметшiлерге - 60 процент есебiнде; - толық емес еңбек стажымен еңбек зейнетақысын, сондай-ақ асыраушысынан айрылуына байланысты зейнетақы алушыларға - 40 процент есебiнде; - әлеуметтiк зейнетақы алушыларға - 20 процент есебiнде ақшалай өтем төлеу көзделсiн. 1994 жылғы 1 шiлдеден бастап нан, пiскен нан мен нан-тоқаш тағамдарының орнына берiлетiн ұн бағасының өсуiн ескерiп, табысы аз жұмыс iстемейтiн зейнеткерлерге заңмен белгiленген ең төменгi айлық еңбек ақы мөлшерiнiң проценттiк көлемiнде ай сайын: - жасына, мүгедектiгiне байланысты, еңбек еткен жылдары үшiн толық еңбек зейнетақысын алушыларға, сондай-ақ мүгедектiгiне байланысты зейнетақы алатын мерзiмдi қызмет атқарған әскери қызметшiлерге - 85 процент есебiнде; - толық емес еңбек стажымен еңбек зейнетақысымен алушыларға, сондай-ақ асыраушысынан айырылуына байланысты зейнетақы алушыларға - 65 процент есебiнде; - әлеуметтiк зейнетақы алушыларға - 45 процент есебiнде ақшалай өтем төлеу көзделсiн. Аталған төлемдер соның алдындағы тоқсанға орташа аймен есептегенде заңмен белгiленген ең төменгi жалақының екi еселенген шамасынан аспайтын зейнетақы алатын зейнеткерлерге төленсiн. Нан, нан-тоқаш өнiмдерi, тары, ұнтақ жарма, пiскен нан орнына сатылатын ұн мен құрамажем бағаларының босатылуына байланысты 1994 жылғы 1 қазаннан бастап табысы аз, жұмыс iстемейтiн зейнеткерлерге заңмен белгiленген ең төменгi айлық жалақы мөлшерiнiң мына проценттерi көлемiнде ай сайын:<*> - жасына, мүгедектiгiне байланысты, еңбек еткен жылдары үшiн толық еңбек зейнетақысын алушыларға, сондай-ақ мүгедектiгiне байланысты зейнетақы алатын мерзiмдi қызмет атқарған әскери қызметшiлерге - 115 процент есебiнде;<*> - толық емес еңбек стажымен еңбек зейнетақысы, сондай-ақ асыраушысының айрылуына байланысты зейнетақы алушыларға - 95 процент есебiнде;<*> - әлеуметтiк зейнетақы алушыларға - 75 процент есебiнде ақшалай өтем төлеу көзделсiн.<*> ЕСКЕРТУ. 29-бап жаңа абзацтармен толықтырылды - Қазақстан Республикасының 1994.10.13. N 201-XIII Заңымен