Бап 30 Об уточненном республиканском бюджете на 1994 год. Қазақстан Республикасында әлеуметтiк жеңiлдiктер берудiң қолданылып жүрген жүйесiнiң тиiмсiздiгiн ескере отырып, 1994 жылғы 1 сәуiрден бастап бұдан бұрын қолданылып келген атаулы әлеуметтiк жеңiлдiктер беру тетiгiнiң орнына жаңа тетiк енгiзiлсiн, онда ең төменгi айлық жалақы мөлшерiнiң есебiнен сәуле ауруына шалдығу нәтижесiнде қайтыс болған және Чернобыль АЭС-ы апатының салдарынан қайтыс болған мүгедектердiң отбасыларына - 2,0; наградаларына және бала санына қарай көп балалы аналарға - 1,3-тен 2,0-ге дейiн; Чернобыль АЭС-ы апатының салдарынан зардап шеккен азаматтардың қалған санаттарына - 1,0 есе ай сайынғы ақшалай өтем төлеу көзделсiн. Қазақстан Республикасының "Бiлiм беру туралы" 1992 жылғы 18 қаңтардағы Заңының /Қазақстан Республикасы Жоғарғы Кеңесiнiң Жаршысы, 1992 ж., N 6, 110-құжат/ 12 және 25-баптарының отбасында тәрбиеленетiн мектеп жасына дейiнгi балалар үшiн ата-аналарға /олардың орнындағы адамдарға/ өтем төлеуге, баланы отбасында және мемлекеттiк емес бiлiм беру мекемелерiнде оқытқаны үшiн ата-аналарға өтем төлеуге қатысты бөлiгiнiң күшi 1997 жылғы 1 сәуiрге дейiн тоқтатыла тұрсын. Қолданылып келген жеңiлдiктер мен өтемдердi сақтай отырып, Чернобыль апатынан зардап шеккен азаматтарды әлеуметтiк қорғау жөнiнде Қазақстан Республикасы құжаттар қабылдануына байланысты Қазақстан Республикасы аумағында "Чернобыль апаты салдарынан зардап шеккен азаматтарды әлеуметтiк қорғау жөнiндегi" 1991 жылғы 12 мамырдағы КСРО Заңының күшi жойылды деп танылсын. 31-бап. "Азаматтарды зейнетақымен қамсыздандыру туралы" 1991 жылғы 17 маусымдағы Қазақ КСР Заңына сәйкес зейнетақыларды төлеу Зейнетақы қоры есебiнен жүргiзiледi деп белгiленсiн. Бала туғанда ең төменгi айлық жалақының төрт еселенген шамасы мөлшерiнде берiлетiн бiр жолғы жәрдемақы және жерлеуге ең төменгi айлық жалақының он еселенген мөлшерiнде берiлетiн бiр жолғы жәрдемақы Әлеуметтiк сақтандыру қоры қаражаты есебiнен төленедi деп белгiленсiн. 32-бап. 1994 жылғы 1 қаңтардан бастап баласы бар отбасыларға берiлетiн ай сайынғы жәрдемақы ең төменгi айлық жалақы мөлшерiнiң мынадай проценттерi көлемiнде белгiленсiн: - мына жастағы балаларға берiлетiн бiрыңғай жәрдемақылар: 6 жасқа дейiн - 75 процент, 6 жастан 18 жасқа дейiн - 80 процент; - мына жастағы балалары үшiн жалғызiлiктi аналарға берiлетiн мемлекеттiк жәрдемақылар: 6 жасқа дейiн - 50 процент, 6 жастан 18 жасқа дейiн - 60 процент; - мерзiмдi қызметтегi әскери қызметшiлердiң балаларына берiлетiн жәрдемақылар - 80 процент; - адамның қорғаныш тапшылығы вирусы жұқтырылған немесе ЖҚТБ-мен (СПИД) ауырған балаларға берiлетiн жәрдемақылар - 80 процент; "Қазақ КСР-iнде мүгедектердiң әлеуметтiк қорғалуы туралы" 1991 жылғы 21 маусымдағы Қазақ КСР Заңының 23-бабына сәйкес /Қазақ КСР Жоғарғы Кеңесiнiң Жаршысы, 1991 ж., N 26, 345-құжат/ үйде тәрбиеленетiн және оқитын мүгедек балалардың ата-аналарының бiрi не оның орнындағы адам бiрiншi тоқсанда 150 теңге, кейiнгi тоқсандарда 450 теңге мөлшерiнде материалдық жағынан қамтамасыз етiледi; - алимент төлеуден жалтарып жүрген ата-аналарын iздестiру кезеңiнде кәмелетке толмаған балаларға берiлетiн жәрдемақы жалғызiлiктi аналардың балаларына мемлекеттiк жәрдемақы төлеуге көзделген тәртiп пен мөлшерде жергiлiктi бюджеттердiң қаражаты есебiнен төленедi. Нан, пiскен нан мен нан-тоқаш тағамдарының орнына берiлетiн ұн бағасының өсуiн ескерiп, 1994 жылғы 1 шiлдеден бастап, баласы бар отбасыларға ең төменгi айлық жалақы мөлшерiнен мынадай проценттерiнде ай сайын жәрдемақы беру көзделсiн: - мына жастағы балаларға берiлетiн бiрыңғай жәрдемақылар: 6 жасқа дейiн - 100 процент, 6 жастан 18 жасқа дейiн - 105 процент; - мына жастағы балалар үшiн жалғызiлiктi аналарға берiлетiн мемлекеттiк жәрдемақылар: 6 жасқа дейiн - 75 процент, 6 жастан 18 жасқа дейiн - 85 процент; - мерзiмдi қызметтегi әскери қызметшiлердiң балаларына жәрдемақылар - 105 процент; - адамның қорғаныш тапшылығы вирусы жұқтырылған немесе ЖҚТБ-мен ауырған балаларға берiлетiн жәрдемақы - 105 процент. Нан, нан-тоқаш өнiмдерi, тары, ұнтақ жарма, пiскен нан орнына сатылатын ұн мен құрамажем бағаларының босатылуына байланысты 1994 жылғы 1 қазаннан бастап балалары бар отбасыларына берiлетiн ай сайынғы жәрдем ақы ең төменгi айлық жалақы мөлшерiнiң мынадай проценттерi көлемiнде көзделсiн:<*> - балаларға берiлетiн бiрыңғай жәрдемақылар: 6 жасқа дейiн - 130 процент, 6 жастан 18 жасқа дейiн - 135 процент;<*> - жалғызiлiктi аналарға берiлетiн мемлекеттiк жәрдемақылар: 6 жасқа дейiнгi балаларға - 105 процент, 6 жастан 18 жасқа дейiнгi балаларға - 115 процент;<*> - мерзiмдi қызметтегi әскери қызметшiлердiң балаларына берiлетiн жәрдемақылар - 135 процент;<*> - адамның қорғаныш тапшылығы вирусы жұқтырылған немесе ЖҚТБ-мен ауырған балаларға берiлетiн жәрдемақылар - 135 процент.<*> Бұл ретте "Қазақстан Республикасы Министрлер Кабинетiнiң 1992 жылғы 16 қарашадағы N 960 Қаулысына өзгерiстер енгiзу туралы" Қазақстан Республикасы Министрлер Кабинетiнiң 1993 жылғы 5 ақпандағы N 91 қаулысымен енгiзiлген өзгерiстер ескерiлiп, "Негiзгi тағам түрлерiнiң қымбаттауына байланысты табысы аз азаматтарға өтемақы төлеу және балаларға жәрдемақы төлеу үшiн қолданылатын, отбасы мүшесiнiң жиынтық табысын есептеу жөнiндегi Ереженi бекiту туралы" Қазақстан Республикасы Министрлер Кабинетiнiң 1992 жылғы 16 қарашадағы N 960 қаулысымен белгiленген, балаларға бiрыңғай жәрдемақы төлеу тәртiбi сақталады. Аталған төлемдер тиiстi бюджеттердiң қаражаты есебiнен төленсiн. ЕСКЕРТУ. 32-бап жаңа абзацтармен толықтырылды - Қазақстан Республикасының 1994.10.13. N 201-XIII Заңымен